政情：茶餐廳短片 揚名世博
盧俊廷（右）與季麥天拍攝嘅茶餐廳文化短片脫穎而出。（湯佳樂攝）
香港特色茶餐廳文化總係令外國人着迷。來自英國嘅城市大學留學生季麥天（Tian）夥拍中學同學盧俊廷（Adrian），拍攝一段約四分鐘嘅茶餐廳紀錄短片參與一項國際比賽，結果於過百參與影片中脫穎而出，進入最後十強，將有機會於米蘭世博會場內播放。
宏揚港式飲食文化
Tian係中英混血兒，佢經常嚟香港，但係每次訪港都會發現四周環境有好大變化。所以早前佢同Adrian喺北角一間茶餐廳聚會時，靈機一動決定參加該項比賽，希望透過訪問茶餐廳大廚及食客，將香港咁有特色嘅文化推介出去。Tian仲話，香港飲食文化與西方最大不同，係港人總喜歡一班人圍埋一齊進食。
至於喺片中負責背景音樂嘅Adrian就話，今次係兩人首次合作拍紀錄短片，估唔到咁受肯定，所以下一步計劃到日本拍攝陶瓷工藝嘅製作。
Original article's URL: http://orientaldaily.on.cc/cnt/news/20150619/00176_128.html